Patay na ang pinakaunang Miss Universe sa Argentina nga si Norma Beatriz Nolan sa edad nga 87. Kini ang gipahibalo sa Miss Universe Organization nga makapasubo nga balita, apan wala nila gitumbok ang hinungdan sa kamatayon.
Tuig 1962, gikoronahan si Nolan sa pageantry nga gipahigayon sa Miami Beach Floridad nga naghimo kaniya isip unang titleholder ilang nasod.
Natawo si Nolan sa Venado, Argentina kaniadtong Abril 22, 1938, diin ang iyang apohan usa ka Irish ug ang iyang inahan adunay dugo nga Italyano.
Human siya napili nga Miss Universe, gipili niya ang pagpuyo sa usa ka pribadong kinabuhi, diin wala siya mosulod sa showbiz.
Photo courtesy to: Pageanthology
