Gideklarar sa Department of Migrant Workers (DMW) ang pagtaas sa minimum wage sa mga Pilipinong domestic workers, lakip na ang libre nga yearly medical checkup ug hospitalization. Kini nga lakang kabahin sa reform package sa ahensya nga nagtinguha sa pagpanalipod ug pagpalambo sa kahimtang sa mga overseas Filipino workers (OFWs), ilabi na sa mga katabang.
Sumala pa sa DMW Advisory No. 25 s. 2025 nga gipirmahan mismo ni Migrant Workers Secretary Hans Leo Cacdac, gisugdan ang implementasyon sa umento sa binulan nga sweldo sa mga katabang gikan sa $400 ngadto sa $500. I-aplikar kini sa tanang DMW-processed employment contracts.
Samtang sa bahin sa medical checkup ug hospitalization, kini ipatuman sa voluntary basis ug ihatag nga libre alang sa mga katabang. Apan kon adunay mga aksidente o sakit nga may kalabutan sa trabaho, obligado kini nga tubagon sa foreign recruitment agencies ug employers ang tanang gasto.
Photo credit to Philippine News Agency
