Nagpagula ug safety protocol ang office of the Governor pinaagi na sa Provincial Disaster Risk Reduction and Management Council (PDRRMC) Surigao del Sur alang sa tanang mga alkalde sa probinsya, kabahin sa sa low pressure area (LPA) nga posibleng mausab ngadto sa tropical depression nga pagatawgon og “JACINTO.”
Sa PDRRMC Advisory No. 06, Series of 2025 nga gipagula kagahapon Agosto 24, 2025, gipasiugda sa gobernador ang pagpatuman sa safety protocol aron malikayan ang kadaot ug masiguro ang “zero casualty.”
Lakip sa mga lakang nga ipatuman mao ang:
1. Padayon nga pagmonitor sa mga weather advisories gikan sa PAGASA, NDRRMC, OCD ug DILG alang sa tukmang aksyon ug pagpangandam.
2. Pag-activate sa Emergency Preparedness Protocol (EPP) ug pagmantala sa mga Emergency Operations Center (EOCs) nga mag-operate 24/7.
3. Pagpatuman og precautionary measures sa tanang lugar nga peligro sa baha ug landslide lakip na ang mga baybayon.
4. Regular nga pag-submit og situational reports (SitRep) sa PDRRMO alang sa konsolidasyon ug paspas nga aksyon gikan sa OCD-Caraga kung adunay insidente.
Gipahinumdoman sa gobernador ang mga alkalde nga magtinabangay ug magmatngon aron malikayan ang kadaot nga epekto sa posibleng bagyo.
Photo credit to PDRRMC- Surigao del Sur
