ISRAELI PM, GIMANDO ANG NEGOSASYON ARON SUGDAN ANG PAGHATAG KAGAWASAN SA MGA BIHAG

Gimando na ni Israeli Prime Minister Benjamin Netanyahu ang pagsugod sa negosasyon aron buhian ang tanang nahabiling mga bihag ug tapuson na ang giyera sa Gaza ubos sa mga kondisyon nga madawat sa Israel.

Gisulti usab ni Netanyahu sa ilang mga tropang sundalo niadtong Huwebes sa gabii nga giaprobahan na sa iyang gabinete ang plano alang  sa dakong pag-atake sa Gaza City, nga nahimutang sa amihanan nga bahin sa teritoryo, aron mapildi ang Hamas ug mabuhian ang tanang bihag, bisan pa sa pagsupak sa international ug domestic organizations.

Kahinumduman nga mitugot ang Hamas sa sugyot sa mga Qatari ug Egyptian mediators alang sa 60 ka adlaw nga ceasefire niadtong Lunes, nga sumala sa Qatar posible nga makahatag og dalan alang sa pagbuhi sa katunga sa nahabiling mga bihag sa Gaza.

Apan hangtod karon, wala pa madawat ni Netanyahu ang maong proposal. Nagtuo ang Israel nga mga 20 na lang sa 50 ka mga bihag ang buhi human sa 22 ka bulan nga giyera tali sa Israel ug Hamas.


Photo courtesy to: DOESHEIGHTMATTER.COM