COMELEC,GISUGDAN ANG PAG-IMBISTIGAR SA  4 KA KANDIDATO NGA MIDAWAT  UG DONASYON GIKAN SA KONTRAKTOR SA GOBYERNO

Gilusad sa Commission on Elections (COMELEC) ang imbestigasyon batok sa tulo ka mga senador ug usa ka lokal nga kandidato gikan sa Bulacan nga gituohang nidawat og donasyon alang sa ilang pangampanya gikan sa usa ka kontraktor sa gobyerno sa panahon sa 2022 elections.

Gikumpirma ni COMELEC Chairman George Erwin Garcia ang imbestigasyon, apan wala pa niya gibutyag ang mga pangalan sa mga magbabalaod ug sa maong kandidato tungod sa pagkasensitibo sa kaso.

Sumala ni Garcia ang poll body mismo ang misugod sa imbestigasyon nga gilauman nilang mahuman sulod sa duha hangtod tulo ka semana.

Migawas ang isyu kauban sa mga report sa irregularity sa mga flood-control projects nga gipondohan sa gobyerno, diin gituohang apil ang pipila ka kontraktor nga adunay kalambigitan sa kampanya sa ubang mga politiko.

Punto sa poll body, magpabilin silang hugot sa pagpatuman sa mga balaod kabahin sa campaign finance ug ilang papanubagon  ang mapamatud-ang nakalapas niini.


Photo courtesy to: The Manila Times