DOF, KUMPYANSA NGA MUTUBO ANG EKONOMIYA SA NASUD KARONG TUIGA

Kumpyansa ang pamunuan sa Department of Finance nga motubo ang ekonomiya sa nasod karong tuiga. Sumala ni Finance Secretary Ralph Recto ilang gitarget nga makab-ot ang 5.4 hangtod 6.5 percent nga pagtubo sa gross domestic product sa nasod.

Sa milabay nga tuig, natala ang 5.6% percent nga pagtubo sa gross domestic product, nga mas ubos kumpara sa ilang target nga 6 hangtod 6.5%.

Gilauman nga motubo ang ekonomiya sa Pilipinas og 6% hangtod 7% gikan sa 2026 hangtod 2028. Mas ubos kini gamay kumpara sa target nga 6 hangtod 8 percent.

Sumala ni Recto, ang pag-ubos sa target wala nagpasabot sa pag-ubos ang ambisyon, kundili usa kini ka ebidensya sa maayong pagdumala sa panalapi ug kumpyansa sa katakos nga matuman ang mga plano pinaagi sa smart spending.

Iyang gidugang nga nagpadayon ang bug-os nga pagsalig sa gobyerno sa pagtubo sa ekonomiya, bisan pa og magpatuman ang Estados Unidos og 19% nga taripa sa mga produkto nga Pilipino.


Photo courtesy to: The Manila Times