Nagpalit ug cobra anti-venom vaccine ang Provincial Government sa Bukidnon pinaagi sa Provincial Health Office kagahapon Agosto 13, 2025
Base sa pakighinabe sa Juander Radyo Malaybalay ngadto kang Provincial Governor’s Office – Public Relation Officer Jun Cruz nga kini gipaningkamotan sa probinsya alang sa pagprotektar sa katawhan batok sa makamatay nga lala sa king cobra ug ubang klase sa halas.
Dugay na matud pa nga giproseso sa Provincial Health Office ang maong anti-venom ug kagahapon lang miabot gumikan sa kataas sa proseso ug mga kinahanglan andamon.
Nasayrang ang purified anti-venom sama lang gihapon sa laing bakuna kontra venom apan mas puro kini ug gitun-an pag-ayo sa laboratoryo ingonman mas mahal.
via: LGU Bukidnon
