Gihatagan ug pasidungog ang usa ka madre nga si Sister Francis Dominici Piscatella, 112 anyos ang pangidaron, nga natawo niadtong Abril 20, 1913, sa Long Island, New York.
Siya giila karon nga βpinakatigulang nga madre nga buhi paβ sa tibuok kalibutan. Ang maong pasidungog gipahinungod kaniya tungod sa halos usa ka siglo nga pag-alagad sa Simbahang Katoliko, human siya misulod sa Dominican order sa edad nga 17 anyos.
Sa iyang taas nga kinabuhi, nakasaksi siya sa pagdumala sa siyam ka Santo Papa ug baynte ka presidente sa Estados Unidos, lakip na ang panghitabo sa Ikaduhang Gubat sa Kalibutan ug daghang pandemya nga miigo sa kalibutan.
Sa edad nga dos anyos, naaksidente siya ug naputol ang iyang wala nga bukton. Apan bisan sa kakulangon, gipakita niya sa iyang mga superior nga kaya gihapon niyang buhaton ang tanang gimbuhaton isip madre.
Bisan pa sa iyang katigulangon ug sa mga kalisod nga giatubang lakip na ang aksidente sa sakyanan sa edad nga 102 anyos nagpabilin gihapon siyang lig-on ug aktibo. Kada adlaw siya motambong sa misa ug moapil sa mga kalihokan sa komunidad.
Matud pa niya nga paborito niyang kumidya mahitungod sa iyang edad mao ang pag-ingon: βSiguro, dili pa gusto ang Ginoo. Gusto pa Niya nga magpabilin ko dinhi sa kalibutan ug mag-alagad sa Simbahan.β
Photo credits:people.com
