MALAYBALAY CITY- Tulo ka tawo, lakip ang usa ka tuig nga batang lalaki, ang samaron ug bun-og ang kalawasan human mibangga ang ilang gisakyan nga motorsiklo sa sakyanan sa Crossing Pineville Subdivision, Purok-4, Barangay San Jose, Malaybalay City niadtong Agosto 8, 2025.
Sa kasayuran gikan sa pakighinabi sa Juander Radyo Malaybalay kang Grace Pinewood, kinsa maoy mitawag sa barangay aron pagpahibalo sa insidenti sa mga otoridad gibutyag nga iyang nakit-an samtang padulong sa trabahoan ang nasangpit nga mga biktima nga nalambigit sa askidenti sa dalan
Sa karon padayon pa ang makuting imbestigasyon sa kapolisan aron masuta ang hinungdan sa aksidente, samtang nagpaalim sa samad ang mga biktima.
Gipahimangnoan usab sa otoridad ang tanan nga magmatngon sa pagbiyahe ug unahon ang kaluwasan sa kalsada, tungod kay, matod pa, “walay gipili nga lugar o edad ang disgrasya”
Photo credits: Abellar Dee
