MALAYBALAY CITY- Nakumpiska sa kapolisan ang dakong kantidad sa drugang shabu gikan sa duha ka indibidwal kinsa giingong manag-uyab didto sa Purok-1, Barangay Central Poblacion, Kalilangan Bukidnon.
Nailhan ang mga dinakpan nga sila alyas “Odak”, 23 anyos, residente sa Purok-5, Poblacion, Nabunturan, Davao de Oro giila isip usa ka High Value Individual ug si alyas “Honey”, 19 anyos, residente sa Montivesta, sa maong probinsya.
Atol sa maong operasyon nakuha gikan sa mga dinakpan ang tulo ka dagkong pakete nga dunay sulod gituohang shabu gibana-banang motimbang sa 298.20 gramos mokantidad Php 2,027,760 pesos.
Nakuha sab sa kapolisan ang usa ka sling bag, pitaka, usa ka cellphone, mga ID’s, kwarta ug usa ka motorsiklo nga gamit sa ilang pagpamaligya.
Sa pagkakaron ang duha detenado na sa Kalilangan Municipal Police Station, samtang gi-andam na ang kasong paglapas sa section 5 ug 11 RA 9165 o Comprehensive Dangerous Drugs Act of 2022.
via:Kalilangan Municipal Police Station
