CAGAYAN DE ORO CITY- Giturn-over na sa publiko ang bag-ong Commission on Audit (COA) Region 10 Building nga nagkantidad og ₱189, 637, 558.13 milyon, sa usa ka seremonyang gipangunahan ni Congressman Atty. Lordan Suan.
Nahimutang ang modernong pasilidad sa dakbayan sa CDO, ug gitukod aron palig-onon ang operasyon sa COA sa Northern Mindanao.
Gilangkuban kini sa mga opisina, conference rooms, ug pasilidad alang sa mas epektibong serbisyo publiko.
Matud ni Cong. Suan, ang proyekto timaan sa iyang commitment sa transparency, accountability, ug pagpaduol sa serbisyo sa katawhan.
Gisuportahan ang proyekto pinaagi sa General Appropriations Act ug gipatuman sa pakigtambayayong sa COA, DPWH, ug ang House of Representatives.
