Nasamdan ang lima ka sundalo human gipamusil sa sulod sa Fort Stewart-Hunter Army Airfield. Usa ka military base sa estado sa Georgia, USA, niadtong Agosto 6, 2025.
Gidali sa pagdala ngadto sa balay tambalanan ang mga biktima, nga ginatambalan sa Winn Army Community Hospital, samtang hawid na sa otoridad ang suspetsado nga giingong parehong miyembro sa militar.
Tungod sa nahitabo, gipailawom sa temporaryong lockdown ang pipila ka bahin sa military base samtang nagpadayon ang imbestigasyon ug security clearing sa palibot.
Matud sa US Army Criminal Investigation Division (CID), ang insidente posibleng personal ang motibo, apan padayon pa kining ginaimbestigahan, samtang gipaabot ang opisyal nga pahayag gikan sa lider sa mga Army.
Gipanghimakak sab sa mga otoridad ang posibilidad nga may kalabotan kini sa terorismo, ug gi-awhag ang mga kasundalohan sa pagpakabana ug pagsunod sa safety protocols.
