Agresibo na karon ang Gilas Pilipinas sa ilang pagkigbatok sa New Zealand sa ilang ikaduhang dula sa nagpadayon nga FIBA Asia Cup nga ipahigayon sa Jeddah, Saudi Arabia.
Si Gilas coach Tim Cone nagkanayon nga ang iyang mga magdudula nasagmuyo pag-ayo sa ilang kapildihan sa Chinese Taipei sayo sa buntag niadtong Miyerkules. Giangkon ni Cone ang gibati sa maong dula sa Gilas diin daw anaa sila sa panic mode.
Samtang sa pikas bahin, gidawat ni Cone ang ilang kapildihan ug niingon nga pipila ka mga stratehiya ang ilang ipatuman aron makasulod sa quarterfinals.
Kinahanglang modaog sila sa mga dula batok sa New Zealand ug Iraq. Human sa ilang kapildihan sa Chinese Taipei, nag-move on na sila ug nangandam na alang sa sunod nga mga dula.
Ang kadaugan batok sa numero 22 sa New Zealand siguradong makaseguro kanila sa numero 1 nga puwesto sa Group D ug usa ka puwesto sa quarterfinals, apan ang ilang mga kahigayonan nagdepende sa resulta sa dula tali sa Chinese Taipei ug Iraq.
Kon mapildi sa Gilas ang Kiwis, moabante sila sa quarterfinals sa qualification game batok sa second-placer o third placer sa Group C nga gilangkuban sa China, Jordan, India ug Saudi Arabia.
Samtang, kon mapilde, matangtang sila sa pag-ilog sa numero 1 nga puwesto sa Group D apan aduna pa silay kahigayonan sa quarterfinals pinaagi sa knockout qualification game.
Kinahanglan usab nga modaog sila batok sa Iraq aron maka-abante sa qualification game.
