Nangandam na ang Department of Labor and Employment (DOLE) sa epekto sa 19% nga taripa sa US sa mga produktong Pilipino. Matod ni Labor Secretary Bienvenido Laguesma, posibleng maapektuhan ang mga naa sa manufacturing sector hinungdan nga gipasiugdahan ang Adjustment Measures Program (AMP) aron suportahan ang mga gagmay nga negosyo.
Dugang ni Laguesma nga ang pag-usbaw sa mga taripa maglisod sa mga produkto sa Pilipinas nga makigkompetensya sa pangkalibutanon nga merkado, ilabi na kay ang ubang kanasuran adunay mas ubos nga buhis ug direktang access sa supply chain.
Kahinumdoman nga gianunsyo ni US President Donald Trump niadtong miaging semana nga ang iyang administrasyon mopahamtang og 19% nga taripa sa mga produkto gikan sa Pilipinas—mas ubos og gamay sa unang pahibalo nga 20%.
Source: Ma. Kamila Ysabel Cotoner
Photo:newsminimalist.com
