Mibiyahe na paingon ngadto sa Jeddah, Saudi Arabia ang Gilas Pilipinas alang sa ilang pagsalmot sa FIBA Asia Cup 2025.
Matod ni Gilas coach Tim Cone nga sa ilang pag-abot dili na sila mag-sayang og panahon sa pagpraktis.
Bisan tuod malampuson ang ilang exhibition game batok sa Macau Black Bears, aduna gihapon silay exhibition game batok sa Jordan karong Agosto 2 nga ipahigayon sa Jeddah.
Dugang ni Cone nga ang mosunod nga mga adlaw igahin sa grabeng pagbansay-bansay.
Lakip sa mga magduduwa sa Gilas nga nakabiyahe na sa Saudi Arabia mao ang naturalized players nga sila si Justin Brownlee, Oftana, June Mar Fajardo, CJ Perez, Scottie Thompson, Japeth Aguilar, Jamie Malonzo, Chris Newsome, Dwight Ramos, AJ Edu, Carl Tamayo, ug Kevin Quiambao.
Sugdan sa Gilas Pilipinas ang ilang duwa batok sa Chinese Taipei karong Agosto 6 sa alas 2 sa kaadlawon.
