𝗣𝗜𝗟𝗜𝗣𝗜𝗡𝗔𝗦 𝗡𝗔𝗟𝗜𝗡𝗬𝗔 𝗦𝗔 𝗟𝗜𝗚-𝗢𝗡𝗚 𝗠𝗚𝗔 𝗧𝗘𝗔𝗠 𝗦𝗔 𝗔𝗙𝗖 𝗪𝗢𝗠𝗘𝗡𝗦 𝗔𝗦𝗜𝗔 𝗖𝗨𝗣

Nalinya ang Philippine Women’s National Football Team sa lig-on nga mga team alang sa AFC Women’s Asia Cup 2026. Sa draw nga gihimo sa FIFA, ang Philippine football team naa sa Group A.

Nahiuyon sila sa world number 15 Australia, world number 21 Korea Republic ug world number 68 Iran. Niadtong 2022, nahimong runner-up ang Korea Republic human gipildi ang Pilipinas sa semifinals.

Gipildi sab sa Korea ang Australia sa quarterfinal round. Mao sab kini ang unang pagsalmot sa Iran sa torneyo human nag-una sa Group G sa qualifiers. Naa sa Group B ang defending champion ug world number 17 China kauban ang number 9 DPR Korea, Bangladesh ug Uzbekistan.

Sa laing bahin, ang Group C naglangkob sa world number 7 Japan, world number 37 Vietnam, Chinese Taipei ug India. Ang Australia maoy top seed isip host samtang ang ubang seedings ipahibalo sa FIFA sa ilang pagpagawas sa ranking.

Ang tulo ka grupo nga mananaog, runners-up ug ang duha ka best third place teams moabante sa knockout stage o quarterfinals.

Ang nag-una nga 6 nga ranggo nga mga koponan sa katapusan sa torneyo mahimong direktang kwalipikado alang sa 2027 FIFA Women’s World Cup sa Brazil samtang ang ikapito ug ikawalo nga mga koponan makadawat dili direkta nga mga slot.

Adunay usab duha ka playoff matches alang sa mga napildi nga mga koponan sa quarterfinals diin ang duha ka mga mananaog direktang kwalipikado alang sa Women’s World Cup. Ang mapildi nga team maoy morepresentar sa Asya sa intercontinental playoff matches.

Magsangka ang Pilipinas ug Australia karong Marso 1, 2026 sa Perth Stadium. Ang AFC Women’s Asian Cup gikatakda nga ipahigayon gikan Marso 1 hangtod 21 sa Australia.

Source: Jovino Galang

photo:sportsgrail.com