PAGADIAN CITY- Gitunulan sa Provincial Government ug reward money ang duha ka tipster nga nakatabang sa kapulisan sa Zamboanga del Sur pagtudlo sa prime suspect sa pagpusil patay sa duha ka Barangay Official ug usa ka witness sa krimen nga nahitabo sa dakbayan sa Pagadian.
Mismo si Governor Divina Grace Yu ug Former Governor Victor Yu kauban si ZSPPO Provincial Director Bonifacio Aran̈as Jr, ang midunol sa reward money sa duha ka wala hinganli nga tipster nga gihimo sulod sa conference room sa probinsyal capitol niadtong nakalabay nga adlaw.
Segun ni Col. Aran̈as si Jonathan Abayon, alyas “john2x” nadakpan sa syudad sa Iligan niadtong Hulyo 6, 2025 samtang si Wilfredo Pamisa, alyas “Jong2x” nadakpan sa syudad sa Pagadian kaniadtong Hulyo 10, 2025 ug si alyas “Maru” nadakpan kaniadtong Hulyo 14, 2025.
Ang mga nasangpit nga gitudlo sa pagpamusil patay kang late Tuburan Barangay Captain, Raymundo Albiar niadtong August 5, 2021, ug Romy Naong niadtong Octubre 18, 2022, lakip ang pagpusil patay kang Kumalarang Ex-SB Member Dodong Maca ning kasamtangan nga tuig.
Nagpasalamat usab si Zamboanga del Sur Governor Divina Grace Yu sa duha ka tipster gumikan sa pagka-aresto sa suspect nga dakong tabang alang sa pagmentinar sa kahapsay ug kalinaw sa probinsya.
VIA: PROVINCIAL GOVERNMENT OG ZAMBOANGA
