Nabiktima ang usa ka Australian nga babaye sa makita nga labing mapanimaslon nga “biological attack” sa kasaysayan sa mga relasyon.
Giila ang maong babaye nga mao si Christine Connell nag-antos sa nagbalik-balik nga kasakit sa panit partikular sa iyang nawong sulod sa mga katuigan, hangtod nga nadiskobrehan sa mga doktor nga kini tungod sa E.Coli bacteria, usa ka matang sa bakterya nga kasagarang makita sa tinai sa tawo, nga misulod sa iyang sinus.
Matod ni Christine, ang iyang uyab kaniadto nangutot sa iyang nawong. Wala sya makalikay niini, napugos sab siya sa pag-ginhawa adtong tungora. Sukad niadto, nag-antos siya sa iyahang kahimtang nga impeksyon sa sinus.
Apan, si Christine nangomedya nga kini ang katapusang “break-up revenge” sa iyang ex-boyfriend, usa ka utot nga hinungdan sa pito ka tuig nga pag-antos.
