DIGOS CITY- Gipang-ibot ug gipuo sa kapulisan sa Bansalan Municipal Police Station (MPS) ang gituohang tanom nga marijuana sa Purok Venus, Sitio Balutakay, Barangay Managa, Bansalan, Davao del Sur niadtong nakalabay nga adlaw, pasado alas 4:30 sa hapon.
Mismo si Barangay Kagawad Revintor Dela Cerna sa Barangay Managa ang nitaho sa Bansalan MPS human usa usab ka concern citizen ang nasaag sa maong dapit og wala damhang nasum-okan ug nakakaplag ang maong dapit nga adunay mga tanom nga marijuana.
Gibana-bana nga nagkantidad sa P400.00 ang gituohang marijuana plants. Sa pagkakaron, Nagpadayon ang makuti nga imbestigasyon sa kapulisan ilabina sa pag-ila sa identidad sa Nagtanom sa maong iligal nga tanom.
