Nidugang ang Gilas Pilipinas og tune-up games alang sa ilang preparasyon sa FIBA ββββAsia Cup. Matod ni Gilas coach Tim Cone nga ilang ikasangka si Jordan karong Agosto 2 ning kasamtangan nga tuig ug adto kini ipahigayon sa Jeddah, Saudi Arabia.
Ang maong tune-up games upat ka adlaw sa dili pa ang ilang unang duwa sa torneyo batok sa Chinese-Taipei. Dugang pa ni Cone nga nihangyo si Jordan nga kon mahimo magduwa sila og tune-up.
Gipaabot nga molarga sa nasod ang Gilas karong Hulyo 31 ug mosalmot sila sa tune-up games. Si Jordan, nga maoy 4th placer sa 2022 FIBA ββββAsia Cup nga gipahigayon sa Indonesia, nahisama na karon sa Group C uban sa China, India ug host country nga Saudi Arabia.
Sa dili pa sila ipadala sa Saudi Arabia karong Hulyo 28, ilang ikasangka ang Macau Black Bears. Ang Gilas Pilipinas magsugod sa ilang duwa batok sa Chinese Taipei karong Agosto 6 sa alas 2 sa kaadlawon. Ang sunod nilang duwa sa Group D mao ang batok sa world number 22 New Zealand karong Agosto 7 sa alas-11 sa gabii oras sa Pilipinas. Ang kataposang duwa sa Gilas sa group stage maoy batok sa Iraq karong Agosto 9 sa alas-4 sa hapon.
