Nagpadayon ang pagsaka sa ihap sa mga tawo nga nagsuporta sa pagbalik ni Pinoy boxing icon Manny Pacquiao sa boxing ring. Atol sa iyang pipila ka semana nga pagbansay-bansay sa Los Angeles, siya giubanan sa pipila ka ilado ug bag-ong mga boksidor.
Lakip kanila mao sila si champion fighter Teofimo Lopez ug Cris Cyborg, elite contenders Vergil Ortiz Jr. ug Emiliano Vargas, dugang sa mga batan-ong boksidor nga gustong mosunod sa tunob ni Pacquiao. Matod ni Pacquiao nga dako ang iyang pasalamat sa suporta sa iyang mga kaubang boksidor sa pagsunod sa iyang training.
Sa umaabot nga mga adlaw, grabe ang pagbansay-bansay ni Pacquiao alang sa umaabot niyang away ni WBC welterweight champion Mario Barrios Jr karong Hulyo 19 sa Las Vegas. Si Pacquiao adunay record nga 62 ka daog, walo ka pilde, duha ka tabla ug 39 ka knockouts samtang si Barrios adunay 29 ka daog, duha ka pilde, usa ka tabla ug 18 ka knockouts.
