Miabante ang San Miguel Beermen diin anaa na kini sa finals sa PBA 49th Season. Kini human gipildi ang Barangay Ginebra, 100-93 sa Game 7. Tungod niini, makigsangka ang Beermen sa TNT Tropang Giga.
Moabot ngadto sa 12,279 ka fans ang nitan-aw sa duwa sa Beermen sa duwa nga gipahigayon sa Smart-Araneta Coliseum. Kini ang ikawalong finals nga naabot sa Beermen sa Philippine Cup sulod sa 10 ka tuig.
Target sa Beermen nga pahunongon ang TNT, nga nagplano nga mahimong ikalimang team nga makakompleto sa PBA grand slam. Katapusang nakadaog og grand slam ang Beermen sa PBA niadtong 2014. Si Chris Ross maoy napili nga Best Player of the Game nga adunay 19 puntos, tulo ka rebounds ug pito ka assists.
