MALAYBALAY CITY- Patay ang angkas nga babaye human mibuto ang ligid sa gisakyang single-motor pasado alas 5:00 sa buntag, niadtong nakalabay nga adlaw didto sa Sayre Highway, Purok 1, Barangay Aglayan, syudad sa Malaybalay.
Gimanehoan ang single motor Yamaha, sa usa ka alyas Makoy, 27 anyos, residente sa Purok 5, Pol-oton, Manolo Fortich, samtang angkas iyang uyab nga si alyas En-en, 28 anyos ug residente sa Purok 6, Poblacion, Impasug-ong.
Base sa imbestigasyon sa kapolisan, nga nag-biyahe ang motorsiklo padulong sa norteng direksyon, dihang pag-abot sa lugar nahitaboan, kalit nga nibuto ang atobangang ligid niini hinungdan nga nawad-ag kontrol ang driver sa pag-maneho napadulong sa shouldering nga bahin sa highway ug natumba.
Tungod niini, nalabay ug nahulog sa kanal ang angkas nga babaye hinungdan nga nakaangkon og grabeng injuries sa kalawasan kinsa gidala pa sa Bukidnon Provincial Medical Center alang sa medikal nga pag-atiman, apan gideklarang dead on arrival sa doktor samtang ang driver pabiling nagpaalim sa tambalanan.
Sa pagkakaron, ana-a sa kostudiya sa Malaybalay City Police Station ang single motor alang sa hustong disposasyon.
