Gipalig-on ang implementasyon sa Tara Basa Program sa Distrito Dos pinaagi sa pakigtagbo ug koordinasyon sa mga Municipal Mayor sa distrito, Department of Social Welfare and Development o DSWD, ug Department of Education o DepEd.
Pinaagi niini nga programa, tumong nga mapalambo ang abilidad sa pagbasa sa mga kabataan ug matabangan sila nga mahimong mas hanas ug epektibong magbabasa ug magtuon.
Gipasiugda nga importante ang paghatag og oportunidad sa matag bata nga makakat-on, molambo ug makab-ot ang ilang mga pangandoy pinaagi sa maayong edukasyon.
Gilauman nga pinaagi sa panaghiusa sa mga lokal nga panggamhanan ug nagkadaiyang ahensya sa gobyerno, mas mapalig-on ang mga programa nga nagtutok sa pagpauswag sa kalidad sa edukasyon, ilabi na sa reading skills sa mga kabataan.
Kay sumala sa mensahe sa programa, ang batang kabalo mobasa adunay mas dako nga oportunidad nga molampos ug makaangkon og mas maayong kaugmaon.










