Opisyal nang sugdan karong adlawa, Nobyembre 20, 2026, ang soft opening sa Ipil Christmas Night Market nga giandam sa lokal nga panggamhanan sa Ipil isip kabahin sa pagsaulog sa kapaskuhan ubos sa temang “Paskong Ipileño: Kahayag ug Kasadya.”
Tumong sa maong kalihokan nga maghatag og dugang kalingawan ug kasadya sa mga residente, pamilya, higala ug mga bisita nga gustong magtapok ug maglipay-lipay atol sa Christmas season.
Maghatag usab og dugang lingaw sa soft opening ang guest DJ nga si DJ Aidel Rose gikan sa Zamboanga City pinaagi sa nagkadaiyang tugtugan aron mas mabati ang festive atmosphere sa Christmas Night Market.
Gipasiugda usab sa lokal nga panggamhanan sa Ipil, ilabi na sa Ipil Tourism Office, ang pagpasalamat sa mga sponsors ug vendors nga mitampo ug misuporta aron mahimong malampuson ang maong kalihokan.
Gidapit ang publiko nga mobisita ug moapil sa Ipil Christmas Night Market aron magkauban sa pagsaulog sa kapaskuhan nga puno sa kalipay, panaghiusa ug dili malimtan nga mga handumanan.










