Nagpadayon ang Barangay Visitation 2026 sa 1st Congressional Office pinaagi sa pagbisita sa unom ka barangay sa lungsod sa Malangas, Zamboanga Sibugay isip kabahin sa paningkamot nga mapaduol ang serbisyo publiko ngadto sa mga komunidad.
Lakip sa mga barangay nga gibisita mao ang Barangay Lipacan, Molom, Camanga, Tackling, Bontong ug Payag diin nakigkita ang grupo sa mga lokal nga opisyal ug representante sa matag barangay.
Kauban sa maong kalihokan sila si Board Member Jung Yanga ug Sangguniang Bayan Member Fremer Bullecer, uban sa mga barangay kapitan nga sila si Luciano R. Tesio sa Bontong, Celso L. Andan sa Camanga, Monap Panagas Tampipi sa Lipacan, Hermecio Nobleza Libre sa Molom, Daud Marcaban Esmael sa Tackling ug Elmer Geneblasco Marabo sa Payag.
Pinaagi sa maong pagbisita, gihatagan og higayon ang mga lokal nga opisyal nga makig-uban ug makigkoordinar sa congressional office kalabot sa mga panginahanglan ug kahimtang sa ilang tagsa-tagsa ka komunidad.
Kabahin kini sa padayong pagpalig-on sa koordinasyon tali sa congressional office ug mga barangay aron mas mapaduol ang mga programa ug serbisyo sa gobyerno ngadto sa katawhan.










