Gilauman ang posibilidad sa dakong pagsaka sa mga produktong petrolyo sa lain-laing mga gasolinahan human sa sunod-sunod nga rollback ning mga nakalabayng mga semana. Kini subay sa gibuhian nga pamahayag ni Abigiel Sanchez, Branch Manager sa JTB Fuel Station atol sa eksklusibo nga pakighinabi sa Juander Radyo News Team, niadtong Nobyembre 18, 2026.
Segun niya, posible kini nga mahimong dakong hagit alang sa mga motorista ug mga driver sa pampublikong sakyanan, ilabi na sa posibleng dugang nga gasto sa gasolina ug diesel.
Apan, bisan pa niini iyang gipahinumdoman ang mga motorista nga kanunay lang magmonitor sa ilang mga pahibalo kalabutan sa kausaban sa presyo sa mga produktong petrolyo aron magpabiling updated.
Iya usab gipasalig nga padayon silang makahatag ug ubos nga presyo alang sa tanan nilang mga kostumer ug sa tanang mga motorista nga buot magpatubil.
Giingon pa niya, ang posibleng pagsaka sa presyo sa petrolyo mahimo usab nga makaapekto sa gasto sa transportasyon ug presyo sa mga batakang panginahanglanon.










