Patay ang usa ka 3 anyos nga batang lalaki human nabanggaan ug usa ka single motor sa Barangay Road Purok 3, Barangay Dagohoy, Guipos, niadtong November 17, 2026. Sa inisyal nga imbestigasyon sa Guipos Municipal Police Station, ang motorista gikan sa Brgy. Poblacion paingon sa Brgy. Dacsol sa dihang kalit mitabok ang bata sa kalsada.
Gigukod pa unta sa magulang ang 3 anyos nga bata aron gunitan, apan ulahi na kay naigo na kini sa motorsiklo nga pakyas usab nga nalikayan sa nagmaneho nga motorista. Nakaangkon ug samad sa nagkadaiyang parte sa lawas ang maong bata ug gidala sa Guipos Rural Health Unit apan gideklara nang Dead on Arrival sa miatiman nga doctor.
Samtang, nakaangkon usab ang driver sa motorsiklo ug mga samad ug mga pangos sa tiil nga karon anaa na sa kustodiya sa Guipos MPS lakip ang motorsiklo aron tubagon iyang salaod.










