Mipailalom sa mandatory drug testing ang tanang empleyado sa Lokal nga Panggamhanan sa Kumalarang, Zamboanga del Sur, isip kabahin sa kampanya batok sa illegal nga droga nga gihimo Nobyembre 18, 2026.
Gipahigayon kini isip kabahin sa paningkamot sa administrasyon ni Mayor Ruel “Balong” G. Molina nga masiguro ang usa ka limpyo, luwas ug responsable nga serbisyo publiko.
Pinaagi niini nga lakang, gipasiugda sa lokal nga panggamhanan ang importansya sa disiplina, integridad ug tulubagon sa matag kawani sa gobyerno, lakip na ang pagpalambo sa usa ka drug-free workplace.
Tumong usab sa maong kalihokan nga mahimong maayong ehemplo sa komunidad ang mga empleyado sa gobyerno pinaagi sa pagsunod sa mga polisiya ug programa batok sa illegal nga droga.
Padayon ang LGU Kumalarang sa pagpalig-on sa mga lakang nga nagtumong sa pagpanalipod sa katawhan ug pagpalambo sa maayong serbisyo publiko.










