Magapatigayon sang 1st PRO 12 OLFCI Pickleball Tournament for a Cause ang kapulisan sa Rehiyon Dose, nga magatanyag sang kompetisyon para sa mga bag-o kag eksperyensyado na nga manug-pickleball nga pagahiwaton sa Nobyembre 28 tubtob 29, 2026, sa PRO 12 Pickleball Court sa General Santos City.
Suno sa ginpagwa nga tournament mechanics, may duha ka kategorya ang kompetisyon, ang Beginners para sa mga wala pa sang eksperyensya sa torneyo kag Novice para sa mga may basic skills kag limitado pa nga eksperyensya sa kompetisyon.
Doubles competition ang format sang hampang, nga magasugod sa preliminary round pinaagi sa round-robin ukon group elimination. Ang mga kwalipikado nga team magapadayon sa semifinals kag championship round.
Magahatag man sang premyo sa champion, first runner-up kag second runner-up sa kada kategorya.
Ang torneyo nagatinguha nga mapauswag ang kahimsog kag aktibo nga estilo sang kabuhi, mapalapnag ang sportsmanship kag camaraderie, kag maghatag sang kahigayunan sa mga partisipante nga mapakita ang ila abilidad sa pickleball.










