Gilayon nga napunggan sang mga bombero ang sunog nga nagluntad sa CITI Hardware nga nahamtang sa National Highway, Barangay Carmen, Tacurong City, alas-6:00 sang aga, Nobyembre 19, 2026.
Madasig nga nagresponde ang Tacurong City Police Station agud masiguro ang seguridad sa palibot sang establisyimento kag suportahan ang operasyon sang Bureau of Fire Protection. Gindeklarar nga fire out ang sunog alas-6:41 sang aga. Wala naman sang napagkit nga pilason ukon napatay sa nasambit nga insidente.
Padayon pa ang ocular inspection kag imbestigasyon sang BFP agud mahibaluan ang gintunaan sang sunog kag ang kabug-usan nga damyos sa establisyimento.










