Usa ka 46-anyos nga mag-uuma ang boluntaryong mitugyan og usa ka kalibre .38 nga rebolber nga walay bala ngadto sa San Carlos City Police Station, alas-3:42 sa hapon, Nobyembre 17, 2026.
Ang maong armas gitugyan sa lalaki nga giila sa alyas Mike, residente sa Barangay Guadalupe, San Carlos City, sa estasyon sa kapulisan nga nahimutang sa EA Antonio Avenue, Barangay III.
Baylo sa usa ka sako nga bugas, gidawat ni Police Corporal Jay Daniel, duty assistant operations, ang armas nga walay bala ug serial number. Sa pagkakaron, anaa na sa kustodiya sa San Carlos CCPS ang gitugyan nga armas alang sa luwas nga pagtipig ug hustong disposisyon.
Photo courtesy: San Carlos CCPS










