Gipalig-on ang kahibalo sa mga tinun-an ug kabatan-onan bahin sa paglikay sa sunog pinaagi sa “Fire Square Road Show” nga gipahigayon sa Brgy. 2 Covered Court, Don Juan, ning dakbayan Nobyembre 18, 2026.
Gipangulohan ang maong kalihokan pinaagi sa pakigtambayayong sa City Disaster Risk Reduction and Management Office (CDRRMO), Philippine Coast Guard (PCG), Philippine National Police (PNP), ug Bureau of Jail Management and Penology (BJMP).
Gibahin sa tulo ka hugna ang pagbansay gikan alas 8:00 hangtod alas 10:00 sa buntag, alas 1:00 hangtod alas 3:00 sa hapon, ug alas 3:00 hangtod alas 5:00 sa hapon aron maakomodar ang nagkadaiyang mga eskwelahan nga misalmot.
Samtang, Gidapit ang tanan nga mosalmot sa maong kalihokan aron mahatagan og insaktong kaalam ang ilang mga bata panahon kung adunay emerhensya.










