Dakpan ang duha ka lalaki sa kapulisan human masakpan nga giingong nagpayuhot og ilegal nga droga sa Ylagan Extension, Barangay 6, San Carlos City, Negros Occidental, alas-6:25 sa gabii, Nobyembre 17, 2026. Giila ang mga suspek sa alyas Bitoy, 47 anyos, residente sa Barangay 6, ug alyas Javon, 39 anyos, residente sa Barangay 2.
Nasakmit gikan kanila ang duha ka sachet nga adunay 0.35 gramos nga gituohang shabu, nga adunay gibanabanang street value nga ₱2,380.
Nasakpan ang duha sa mga personnel sa San Carlos City Component Police Station atol sa ilang foot patrol operation. Dad-on sa forensic unit ang nasakmit nga droga alang sa laboratory examination, samtang nagpabilin sa kustodiya sa kapulisan ang mga suspek ug ipaubos sa drug test.
Photo courtesy: San Carlos CCPS










