Nagpagawas ang Department of Labor and Employment (DOLE) sa mga giya sa pagbayad sa sweldo sa mga empleyado atol sa Nobyembre 16 hangtod 18 nga special non-working days sa Metro Manila alang sa 49th ASEAN Summit.
Sumala sa Labor Advisory No. 16, series of 2026, ipatuman ang prinsipyo nga “no work, no pay” sa mga empleyadong dili mosulod, gawas kon adunay polisiya ang kompanya o collective bargaining agreement nga naghatag og bayad niining mga adlawa.
Alang sa mga empleyadong motrabaho, makadawat sila og dugang 30 porsyento sa ilang inadlaw nga sweldo sa unang walo ka oras nga trabaho. Kon motrabaho sa ilang rest day, dugang 50 porsyento sa inadlaw nga sweldo ang ilang madawat sa unang walo ka oras.
Samtang, ang trabaho nga molapas sa walo ka oras adunay dugang bayad nga 30 porsyento sa hourly rate, subay sa mga lagda sa DOLE.
Photo courtesy: DOLE










