Boluntaryong giturn-over sa usa ka opisyal sa barangay ang usa ka loose firearm ngadto sa Alangalang Municipal Police Station niadtong Nobyembre 15, 2026, alas 7:54 sa gabii, isip kabahin sa kampanya sa Philippine National Police (PNP) batok sa mga armas nga walay tukmang dokumento nga gitawag og “Kontra Boga.”
Ang armas nga giturn-over usa ka single-shot handgun nga kalibre 12-gauge ug walay kauban nga bala; sumala sa barangay official nga nagdala niini, gipanagiyahan kini sa usa sa iyang mga residente apan wala niya ibutyag ang identidad sa tag-iya, hinungdan nga iyang desisyon nga itugyan na lamang kini sa kapulisan alang sa hustong pagdumala.
Sa pagkakaron, anaa na sa kustodiya sa Alangalang MPS ang maong armas alang sa dokumentasyon, pagtipig ug hustong disposisyon subay sa mga polisiya ug pamaagi sa kapulisan.
Photo courtesy: Alangalang MPS










