Nasikop ang duha ka indibidwal nga giila sa kapulisan nga mga street-level individual nga giilang sila alyas “Marlon,” 52 anyos, ug “Conrad,” 54 anyos. Pareho silang minyo ug residente sa Barangay Liloan, Ormoc City atol sa gipahigayong buy-bust operation didto sa Block 6, Lot A, Tzu Chi Village (Big), Barangay Liloan, Ormoc City, niadtong nakalabay nga adlaw.
Nakumpiskar gikan sa mga suspetsado ang walo ka heat-sealed transparent plastic sachet nga adunay puti nga kristal nga substansiya nga gidudahang shabu, nga adunay kinatibuk-ang gibug-aton nga 2.75 gramos ug gibanabanang kantidad nga ₱11,700. Narekober usab ang usa ka ₱500 nga buy-bust money, usa ka itom nga pouch ug usa ka plastik nga sudlanan.
Gipahibalo ang mga nadakpan sa hinungdan sa ilang pagdakop ug sa ilang mga katungod subay sa Miranda Doctrine, sa pinulongang ilang nasabtan.
Sa pagkakaron, anaa na sa mga kostodiya sa kpaulisan ang mga suspek alang sa dokumentasyon ug hustong proseso sa wala pa ang ilang pagbalhin ngadto sa korte nga adunay hurisdiksyon sa kaso.
Photo courtesy: OCPS3










