Nadakpan sa mga otoridad ang duha ka lalaki nga giingong nalambigit sa pagpangulata ug pagpanulis sa usa ka Turko sulod sa Caraga State University o CSU, samtang nangaon sa karenderya sa Purok 1-C Sampaguita, Barangay Tiniwisan, Butuan City, niadtong nakalabay nga adlaw.
Sumala ni Barangay Kagawad Julius Legaspo, ang duha ka indibidwal giila nga mga suspek sa maong insidente sa pagpanulis nga nahitabo niadtong miaging adlaw.
Gibutyag usab nga unom na ka adlaw nga gibantayan ug gipanubayan sa mga otoridad ang lihok sa mga suspek hangtod nga nagtugma ang ilang pisikal nga deskripsyon sa mga gipangita nga indibidwal.
Samtang, nakuhanan usab og gidudahang ilegal nga droga ang duha ka nadakpan atol sa operasyon. Sa pagkakaron, nagpaabot sa dugang detalye kalabot sa ilang pagkaila, tukmang kaso nga ipasaka ug ang resulta sa imbestigasyon.
Photo courtesy: Kris Balong










