Nagkatigom ang anaa sa 1,200 ka mga Barangay Service Point Officers (BSPO) gikan sa 20 ka mga lungsod ug 2 ka siyudad sa lalawigan atol sa gipahigayon nga BSPO Congress sa Provincial Government of Bukidnon (PGB) niadtong Nobyembre 12, 2026, sa Kaamulan Open Theatre, Malaybalay City nga nagdala sa tema nga “BSPOs at the heart of the Barangay: Partners for Healthy Families, Resilient Communities and a Better Future.”
Sa iyang mensahe isip dinapit nga resource speaker, giila ni Provincial Vice Governor Clive D. Quiño ang mga BSPO isip labing importanteng tulay tali sa mga programa sa gobyerno ug sa mga pamilya sa barangay alang sa maayong panglawas, edukasyon, ug proteksyon sa kabataan.
Gidayeg ug gipasalamatan usab ni Provincial Governor Rogelio Neil P. Roque ang ilang boluntaryong serbisyo ug sakripisyo, dungan sa pag-ingon nga ang tinuod nga serbisyo masukod sa kadako sa kasingkasing nga andam motabang ug dili sa kadako sa sweldo
Mipaabot usab og pasalamat si Commission on Population and Development (CPD) X Regional Director Neil Aldrin Omega pinaagi ni Project Evaluation Officer Kristin T. Karagdag alang sa makanunayong suporta sa probinsya ug mga BSPO sa ilang mga programa. Nagmalampuson ang maong kalihokan pinaagi sa PGO-Population and Development Division diin napasidunggan usab ang mga natudlong BSPO awardees sa nagkadaiyang kategorya.
Photo courtesy: LGU Bukidnon










