Talandugon ang kahimtang sa usa ka 33-anyos nga truck driver nga si alyas Ryan human kini kalit nga giatake ug gidunggab sa iyang 27-anyos nga helper nga si alyas Willy gamit ang tari sa manok samtang nagpaabot sila sulod sa ilang ten-wheeler truck nga maablihan ang ilang gihatdan og feeds sa Sitio Incalbog, Barangay Can-ayan, alas-4:00 sa kaadlawon niadtong Nobyembre 15, 2026.
Tungod sa kagrabe sa naangkon nga samad, nawad-an og panimuot ang biktima ug gidali pagdala sa Bukidnon Provincial Medical Center apan gibalhin ra usab dayon sa Northern Mindanao Medical Center sa Cagayan de Oro City, diin human siya nakamata, positibo niyang giila ang iyang kauban nga taga-Valencia City usab nga maoy midunggab kaniya.
Sa pagkakaron, gipailalom na sa hospital arrest ang suspek human kini giingong misamad usab sa iyang kaugalingon, samtang giandam na sa mga otoridad ang kasong Frustrated Homicide nga ipasaka batok kaniya.
Photo courtesy: Malaybalay CPS










