Arestado ang usa (1) ka High Value Individual (HVI) atol sa gikasa nga buy-bust operation sa kapulisan sa pagpanguna sa Regional Police Drug Enforcement Unit o RPDEU Team 4, kauban ang ubang operating units sa may alas 9:25 sa buntag niadtong Nobyembre 11, 2026 sa Barangay Poblacion, Tubod, Lanao del Norte.
Giila ang dinakpan nga si alyas “Boss Dexter,” 43 anyos, residente sa maong lugar ug nalista sa kapulisan isip High Value Individual (HVI). Subay sa report sa kapulisan, nasakmit gikan sa nahimutangan sa suspek ang 55 gramos nga drogang shabu nga adunay standard drug price nga 374,000 pesos.
Lakip sa nasakmit, ang usa (1) ka coin pouch, 500 pesos nga gigamit isip buy-bust money, ug usa (1) ka kalibre .45 nga armas nga adunay upat (4) ka buhing bala.
Sa pagkakaron, anaa na sa kustodiya sa Tubod MPS ang suspetsado, samtang ang mga nakumpiskang ebidensya ipaubos sa forensic examination alang sa dugang nga imbestigasyon.
Photo Courtesy: PNP Lanao del Norte
