Nag-apod-apod og tabang ang Local Government Unit 9LGU)-Iligan sa kapin 300 ka mag-uuma sa unom ka barangay sa Iligan City nga nakadawat og nagkalain-laing kagamitan ug suplay sa agrikultura isip suporta sa ilang panginabuhian taliwala sa epekto sa El Niño.
Nag-una sa pagpanghatag sa mga tabang ang City Agriculturist’s Office sa pagpanguna ni Acting City Agriculturist Teodosia Jaraba ug gipang-apod-apod ang water drums, water pumps, hose, abono, mga liso sa mais ug nagkalain-laing binhi ug seedlings sa utanon.
Tumong sa maong programa nga masiguro ang igong suplay sa tubig sa mga umahan, mapadayon ang produksyon sa pagkaon ug malikayan ang dakong kadaot sa panginabuhian sa mga mag-uuma tungod sa grabeng kainit ug hulaw.
Gipasalamatan sa mga representante sa Farmers’ Associations ang lokal nga panggamhanan sa padayong suporta sa sektor sa agrikultura.
Photo courtesy: @ianuyofficial
