Nadakpan sa kapulisan ang usa ka most wanted person nga giatubang ang kasong murder atol sa gipahigayong operasyon sa Barangay Lagao, General Santos City.
Gipahigayon ang operasyon sa mga personnel sa 1201st Maneuver Company sa Regional Mobile Force Battalion 12 o RMFB 12, kauban ang Police Station 3 sa GSCPO ug Special Task Team Bravo sa Regional Intelligence Division 12.
Gipangulohan ang operasyon ni PCPT Rex Ivan S. Tomales, Acting Company Commander, ubos sa pagdumala ni PCOL Samuel T. Cadungon, Force Commander sa RMFB 12. Nadakpan ang suspek pinaagi sa warrant of arrest tungod sa kasong murder, diin walay girekomendar nga piyansa.
Human madakpan, gidala ang akusado sa Police Station 3 diin nagpabilin kini sa kustodiya sa kapulisan samtang gihulat ang commitment order gikan sa korte.
Nagpakita kini sa padayong kampanya sa kapulisan batok sa mga wanted person aron masiguro nga maatubang sa hustisya ang mga adunay kasong kriminal.
Photo courtesy:RMFB 12
