Nasikop ang usa (1) ka Top 1 Municipal Most Wanted Person nga ga-atubang og mga kaso kalabot sa ilegal nga droga atol sa operasyon sa kapulisan sa pagpanguna sa Provincial Drug Enforcement Unit o PDEU sa Lanao del Norte Police Provincial Office (LDN PPO) sa may alas 3:30 sa hapon niadtong Nobyembre 10, 2026 sa Purok 2 RCIS, Barangay Poblacion, Tubod, Lanao del Norte.
Giila ang dinakpan nga si alyas “Tam,” 51-anyos, ulitawo, residente sa maong lugar ug nalista sa kapulisan isip Top 1 Most Wanted Person sa municipal level.
Subay sa report sa kapulisan, ang suspek nalutsan sa warrant of arrest tungod sa kasong paglapas sa Sections 11 ug 12, Article II sa Republic Act 9165 o Comprehensive Dangerous Drugs Act of 2002 nga gipagawas sa Regional Trial Court Branch 7, 10th Judicial Region sa Tubod, Lanao del Norte niadtong Nobyembre 5, 2026 nga walay girekomenda nga piyansa alang sa kaso ubos sa Section 11, samtang 40 mil pesos ang girekomenda nga piyansa alang sa kaso ubos sa Section 12.
Sa pagkakaron, anaa na sa kustodiya sa Tubod MPS ang dinakpan alang sa hustong disposisyon sa iyang mga kaso.
Photo Courtesy: PNP Lanao del Norte
