Arestado ang usa 37-anyos nga lalaki ug nakumpiskahan og gidudahang shabu atol sa hiniusang buy-bust operation sa kapulisan sa pagpanguna sa City Drug Enforcement Unit o CDEU sa Iligan City Police Office, kauban ang Iligan City Mobile Force Company o ICMFC, intelligence operative sa Iligan City Police Station 5 ug Philippine Drug Enforcement Agency o PDEA alang sa pre-operation sa may alas 10:27 sa gabii niadtong Nobyembre 8, 2026 sa Purok 2, Barangay Saray, Iligan City.
Giila ang suspek nga usa (1) ka 37 anyos, usa residente sa Purok 4, sakop sa maong Barangay. Subay sa report sa kapulisan, narekober gikan sa dinakpan ang usa ka gamay nga pakete sa gituohang shabu, nga maoy gipalit sa poseur buyer atol sa operasyon.
Lakip sa nasakmit ang siyam (9) ka medium-sized nga plastic sachet nga adunay susamang gidudahang ilegal nga droga, usa (1) ka recycled plastic coin purse, usa (1) ka transparent plastic ziplock ug tulo (3) ka 100-pesos nga papel nga kuwarta nga gigamit isip buy-bust money.
Nikabat sa 5.83 gramos ang kinatibuk-ang gidaghanon sa narekober nga gidudahang shabu, nga adunay standard drug price nga 39,644 pesos.
Sa pagkakaron, gidala na ang dinakpan sa ICPS5 alang sa hustong dokumentasyon ug temporaryong kustodiya.
Photo Courtesy: ICPS5
