Boluntaryong misurender sa kapulisan ang usa ka kanhi konsehal sa munisipalidad sa Lebak, Sultan Kudarat human giisyuhan og upat ka warrant of arrest sa Sandiganbayan tungod sa kasong graft ug malversation of public funds.
Giila ang subject sa alyas nga “Boss,” usa ka negosyante ug residente sa Lebak, nga misurender pasado alas-3:20 sa hapon niadtong Nobyembre 8, 2026, sa Mabuhay Road, Barangay San Isidro, General Santos City. Gipahigayon ang pagsurender pinaagi sa Lebak Municipal Police Station, sa koordinasyon sa Sultan Kudarat Police Provincial Office ug General Santos City Police Office.
Ang mga warrant nalambigit sa paglapas sa Republic Act 3019 o Anti-Graft and Corrupt Practices Act, ug Article 217 sa Revised Penal Code nga may kalabotan sa malversation of public funds.
Gipahibalo na ang subject sa mga kaso nga giatubang niini ug sa iyang mga katungod ubos sa Konstitusyon.
Photo Courtesy: PRO 12
