Gikumpirma ni PCOL Ariel Acala, City Director sa General Santos City Police Office (GSCPO), nga namatay na ang langyaw nga giila sa pangalang James Brown nga gipusil sa mga tulisan niadtong Nobyembre 3, 2026 sa Purok 27, Yam 1, Barangay Mabuhay, General Santos City.
Kahinumduman nga naglakaw ang biktima kauban ang iyang asawa dihang kalit silang giduolan sa usa ka lalaki nga gilabni ang bag sa iyang asawa ug midagan padulong sa iyang kauban nga nagdrayb sa usa ka motorsiklo.
Gigukod sa biktima ang suspek apan wala niya maabti. Niining higayona, mibunot og armas ang suspek ug gipusil ang biktima sa wala pa sila makaikyas sakay sa motorsiklo.
Gilayon nga gidala sa ospital ang biktima aron matambalan, apan human sa kapin usa ka semana nga pakigbisog sa iyang kinabuhi, namatay kini.
Sumala kang PCOL Acala, giandam na sa kapulisan ang kasong robbery with homicide batok sa mga responsable sa krimen. Aduna na usab usa ka suspek nga nailhan sa kapulisan nga maoy nagsusil sa biktima, samtang ang usa nga maoy drayber sa motorsiklo ginaila na.
