Giawhag ni Iligan City Mayor Freddie Siao ang mga ginikanan ug guardians nga suportahan ang School-Based Immunization Program 2026 aron mapanalipdan ang mga bata batok sa nagkalainlaing sakit nga mapugngan pinaagi sa bakuna.
Kini nga pahibalo opisyal nga gipagawas pinaagi sa Social Media post sa City Government of Iligan, kagahapong adlawa Nobyembre 09, 2026.
Lakip sa mga bakuna ang Measles-Rubella (MR) alang sa Grade 1, Tetanus-Diphtheria (Td) alang sa Grade 7, ug Human Papillomavirus (HPV) vaccine alang sa mga kwalipikadong estudyante sa Grade 4.
Gihangyo ang mga ginikanan sa public schools nga mosumite sa Parent’s Vaccination Consent Form ug giawhag ang mga private schools nga makig-coordinate sa City Health Office alang sa implementasyon sa programa.
Tumong sa programa nga mapalapdan ang proteksyon sa mga bata batok sa mga sakit nga mapugngan pinaagi sa bakuna, malikayan ang pagkaylap sa mga impeksyon, ug mapalambo ang kahimsog sa mga estudyante sulod ug gawas sa eskwelahan.
Photo Courtesy: Wikipedia
