Patay ang usa ka lalaki nga giila nga si alyas nga “Jacob,” residente sa Malita, Davao Occidental, human gipusil sa ulo sa wala mailhing suspek sa 2nd Crumb, Barangay Zone 2, Digos City, alas 9:43 sa gabii niadtong Nobyembre 7, 2026.
Base sa inisyal nga imbestigasyon, nag-inom ang biktima uban sa iyang higala daplin sa dalan dihang kalit miduol ang suspek nga nagsul-ob og maskara, grey jacket ug denim nga pantalon.
Og walay langan nga gipusil ang biktima sa ulo sa kaduha nga higayon atubangan sa iyang kainom, samtang human sa maong insidente daling mibiya sa lugar ang suspetsado sa wala matinong direksyon.
Sa pagkakaron, padayon pa ang imbestigasyon sa kapulisan aron matino ang motibo sa krimen ug mailhan ang suspek sa pagpamusil.
