Misaka sa P63.74 bilyon ang death benefit disbursements sa Social Security System (SSS) gikan Enero hangtod Septyembre 2026, lakip ang mga benepisyo alang sa mga kuwalipikadong benepisyaryo sa namatay nga mga miyembro.
Misaka og 10.4 porsyento ang gipagawas nga benepisyo kumpara sa P57.74 bilyon sa samang panahon sa miaging tuig, samtang miabot sa 1.4 milyon ang mga nakadawat niini.
Nalambigit sa pagsaka ang ikaduhang hugna sa pension increase nga gipatuman sa SSS niadtong Hunyo, diin gipataas og lima ka porsyento ang death pension sa mga kuwalipikadong benepisyaryo.
Misaka usab og lima ka porsyento ang funeral benefits nga gipagawas sa ahensya, nga miabot sa P3.25 bilyon sulod sa samang siyam ka bulan.
Photo courtesy: Wikipedia
